Бразилия футбол конфедерацияси – СBF мамлакат миллий жамоасига бош мураббий қидирмоқда. Ҳозирча биринчи номзод сифатида Карло Анчелотти танланган. Аммо италиялик мутахассиснинг “Реал” билан амалдаги келишуви 2024 йилгача экани ва унинг ўзи ҳам Мадридда қолишни истаётгани сабабли бошқа вариантлар ҳам кўриб чиқиляпти.
The Athletic нашри хабарига қараганда, иккинчи номзод Жозе Моуриньо. Сал олдинроқ Европа футбол нашрларида Моуриньо мавсум якунида “Рома”дан кетиши, клуб ҳам у билан хайрлашишга тайёр эканлиги ҳақида хабарлар пайдо бўлганди. Шундай экан, португалиялик мутахассиснинг Бразилияга йўл олиши эҳтимолдан холи эмас.
Мамлакат футболи раҳбарияти бу икки мураббийдан ташқари “Фенербахче” устози Жорже Жезуш, “Флуминенсе” бош мураббийи Фернандо Диниз ва “Палмейрас”ни бошқараётган Абель Феррейра номзодини ҳам кўриб чиқмоқда.
