Бугун, 27 март куни Ўзбекистон Республикаси Олий Мажлиси Сенати Раиси Танзила Нарбаева бошчилигидаги Ишчи гуруҳи пойтахтимизнинг Яшнобод туманида бўлиб, ҳудудларни ижтимоий-иқтисодий ривожлантириш, аҳоли турмуш фаровонлигини ошириш, тадбиркорлик фаолиятини қўллаб-қувватлаш борасида олиб борилаётган ишларни ўрганиб, аҳоли билан бевосита мулоқот қилди.
Хусусан, Сенат Раиси Т.Нарбаева ушбу туманлардаги кунлик ишчилар маркази фаолиятига эътибор қаратди. "Қўйлиқ" бозори ҳудудидаги "Мардикор бозори"даги фуқаролар-ишчилар билан суҳбатлашди. Аҳолини қийнаб келаётган муаммоларни ўрганиб, мурожаатларини тинглади. Шу ернинг ўзида улар назоратга олиниб, тегишли мутасаддиларга кўрсатмалар берилди.
