Дунё диетологлари, шунингдек, олимлар ҳам шоколаднинг инсон организми учун фойдали эканини таъкидлашади. Аммо бу ерда меъёр деган нарса бор. Бундан ташқари, организм учун энг фойдали деб аччиқ шоколад эътироф этилади. Бу эса шоколаднинг бошқа тури зарарли дегани эмас. Аччиқ шоколадда шакар миқдори камлиги учун ҳам кўпроқ фойдали деб ҳисобланади холос. Қолган шоколадларда эса худди аччиқ шоколаддагидек кўплаб витамин ва микроэлементлар, жумладан, А, В1, В2, В12, С ва D витаминлари, темир, кальций, магний бор. Агар сиз кунига 50-70 грамм атрофида шоколад истеъмол қилсангиз, билингки, бу маҳсулот тури юрак, жигар, бош мия, марказий асаб тизими кабиларга ўзининг ижобий таъсирини ўтказади.
Тадқиқотчилар 1000га яқин одамнинг нималар ейишлари, кунига истеъмол қилган калориялари ва семизлик индексини текшириб чиқишган.
Натижалар шуни кўрсатдики, ҳафтасига бир неча бор шоколад еб юрадиган инсонлар уни жуда кам истеъмол қиладиган инсонларга қараганда озғинроқ эканлар.
Олимларнинг ишонишларича, шоколад калорияга ўта бой бўлса ҳам вазнни йўқотиш жараёнида рол ўйнайди.
Бундан ташқари айтилишича, ейилган шоколад миқдори эмас, не қадар тез-тез истеъмол қилиш кўпроқ рол ўйнар экан.
Яъни онда-сонда лекин кўп шоколад ейиш исталган натижани бермайди.
Шу билан бирга дофамин, серотанин каби гармонларнинг шоколод таркибида мавжудлиги боис у "Кайфият кўтарувчи" номини олган.Бироқ... меъёридан ошган ширинлик "душман"га айланади. Швед олимларининг тавсияларига кўра, инсон учун бир кунда 40 грамм атрофидаги шоколад миқдори кифоя. Кунлик миқдорнинг ошиб кетиши организм учун хатарли оқибатларни олиб келиши мумкин. Белгиланган меъёрдан ортиқ истеъмол қилинган ширинлик танада ҳар хил аллергик ҳолатларни келтириб чиқариши, қон-томирлари фаолиятини бузилиши, тиш эмалининг зарарланишига ва ортиқча вазн, семизлик каби ҳолатларга олиб келиши аниқланган.
Шоколадни ҳаддан ортиқ истеъмол қилиш бош оғришига олиб келиши мумкин. 22 фоиз беморлар шоколад сабаб мигрен пайдо бўлганидан шикоят қилган, аммо бу ўз тасдиғини топмаган.
Шоколад қорин мушакларини бўшаштириб, пулсни жадаллаштириш хусусиятига эга бўлган метилксантинни ўз ичига олади. Унинг истеъмолидан кейин жиғилдон қайнаши ҳолати ҳам кузатилиши мумкин.
Бир қанча фойдаси борлиги шоколаднинг калорияга бой эканини инкор эта олмайди. Ундан тийила олмаслик ва меъёридан ортиқ истеъмол қилиш сезиларли даражада вазн ортишига олиб келиши мумкин.
ЎзМУ талабаси Асила Алибоева тайёрлади.
