Эмлаш вақтида нима мумкину, нима мумкин эмаслиги ҳақида тиббиёт фанлари доктори, иммунолог-шифокор Владислав Жемчугов Sputnik радиосига берган интервьюсида тушунтирди.
Шифокор хасталанган кишиларни эмлаш мутлақо мумкин эмаслигини таъкидлади. Агар тана ҳарорати 37 даражадан ошса ҳам одамни эмлаш мумкин эмас экан. Шунингдек, яқин вақт ичида спиртли ичимлик истеъмол қилган шахслар ҳам эмланишдан бебаҳра бўлар экан. Бунда одамнинг жигари қандай ишлашига қараб вақтни белгилаш мумкин экан. Яъни спиртли ичимликни 10-12 соатдан то бир суткагача аввал ичиш таъқиқланади.
Иммунолог эмланишга келган одамларга вакцинанинг чиқарилган ва сақланиш муддати, қандай шароитда сақланганлиги билан қизиқишларини тавсия қилади. Шунингдек, унинг тўрт даражадан юқори ҳароратда сақланмаслиги лозим эканлигини ҳам эслатади.
Муҳим жиҳатларидан бири, — деб тушунтиради Владислав Жемчугов, — ҳамшира эмас, шифокорнинг ўзи укол қилиши керак. Ва албатта, бир марта ишлатиладиган шприц ҳақида ҳам унутмаслик керак.
