Мутахассиснинг қайд этишича, беморлар кам, касаллик оммавийлик касб этмаганида мазкур касалликни илк кунларданоқ аниқлаш қийин. Шунга қарамай, терида тошмалар юзага кела бошласа, бу маймун чечагидан далолат бериши мумкин.
“Ҳозирда Африка мамлакатларидан келган одамларда тана ҳароратининг кўтарилиши ташвишли ҳолат саналади. Тошма тошгандан кейингина клиник ташхис қўйиш мумкин”, дейди профессор.
Тиббиёт фанлари доктори, врач-инфекционист, профессор Елена Малинникованинг таъкидлашича, маймун чечаги лимфа тугунларининг катталашишига ҳам сабаб бўлади.
Унинг айтишича, маймун чечаги, иситма, қаттиқ бош оғриғи, шунингдек, мушакларда оғриқ орқали намоён бўлади.
Альтштейннинг қўшимча қилишича, агар мазкур вирус биринчи марта одамга юқса, у хавфли саналади. Бордию, одамдан одамга юқса, унинг хавфи камаяди. Шу сабабли ҳам у эпидемияни юзага келтирмаслиги керак, дейилади iz.ru сайтида.
