Бу қонунни Шотландия парламенти ўтган йили маъқуллаган эди, деб ёзади Express and Star электрон нашри. Бунгача мамлакатда ота-оналар ва уларнинг ўрнини босувчи шахсларга болани тарбиялаш мақсадида калтаклашга рухсат берилган. Эндиликда янги қонун билан бу тартиб бекор қилинди.
Эслатиб ўтамиз, болаларни калтаклаш ва хўрлаш 1973 йили илк бор Германияда қонун билан чекланган. Болаларни шапалоқ билан уришга эса биринчи бўлиб Швеция тақиқ қўйган (1979 йил). Шотландия бу талабни қўллаган эллик еттинчи мамлакат бўлди.
Хабарда айтилишича, январь ойида бу каби қонунни Уэльс ҳам қабул қилиши мумкин. Англия ва Шимолий Ирландияда эса ҳозирча бундай режа йўқ.
