Шу вақтгача Швеция бошқа Европа мамлакатларидан фарқли қатъий чегараланишларга қарши эди. Бу ерда асосий профилактик чора сифатида масофа сақлаш қабул қилинганди. Ҳатто баҳорда ва ёзнинг бошида пандемия энг баланд нуқтасига етганида ҳам бу ерда ресторан ва барлар ишларди, кўпгина мактаблар ёпилмаганди.
Сентябрнинг бошидан касаллик бутун Европа бўйлаб яна авж олди, ва кўпгина мамлакатлар қатъий ижтимоий чегараланишларга қайтди.
Швеция ҳукуматининг коронавирус билан кураш учун популяцион иммунитет шаклланишидан умиди ҳам пучга чиқди. Бу ерда ҳам Европанинг бошқа мамлакатлари каби касаллик тез кўпаяпти.
Европа бўйича касалликни назорат қилиш ва олдини олиш маркази маълумотига қараганда, Швецияда сўнги ҳафта ичида бир миллион кишига 65 та касалланиш ҳолати тўғри келади экан. Таққослаш учун, бу ҳолат Данияда 71та, Финляндияда 40та, Норвегияда эса 25 тага тўғри келяпти.
Душанба кунидан соғлиқни сақлашнинг ҳудудий органларига фуқаролардан жамоат жойларидан — савдо марказлари, музей, кутубхона, бассейнлардан ўзларини узоқ тутишлари, концерт ва тренажёр залларига бормаслик кераклиги ҳақида сўраш имконини берадиган керак бўлган янги қоидалар кучга кириши кутиляпти. Улар шунингдек, жамоат транспортидан фойдаланишни чегаралаш, ҳамда одамларга ёши улуғ кишилар ва касалланганликдан шубҳа уйғотувчи кишилардан ўзларини узоқ тутишини тавсия этиш ҳуқуқига эга бўладилар, деб хабар беради Российская газета.
