Учириш шарқий соҳил вақти билан 09:41да Флорида штати, Канаверал бурнида жойлашган космодромдан амалга оширилди.
Falcon 9нинг иккита ён кучайтиргичи ердан тахминан 29 километр баландликда ракетанинг асосий қисмидан синхрон равишда ажралиб чиқди, бир неча дақиқадан сўнг двигателларини қайта ишга туширди ва деярли бир вақтнинг ўзида иккита майдончага қўнди.
SpaceX мутахассислари ракетанинг биринчи қисмини Атлантика океанига чўктиришга қарор қилишди.
Учириш АҚШ космик кучлари манфаатларини кўзлаб амалга оширилди, тафсилотлар ошкор этилмади. Иккита ишга туширилган қурилма ҳақида маълум қилинган. Биринчиси, махфий сунъий йўлдош бўлиб, унинг мақсади, хусусиятлари ва номи айтилмаган. Иккинчиси TETRA-1 — тадқиқот олиб борувчи микроспутникдир.
Falcon Heavy — бу SpaceX томонидан ишлаб чиқарилган биринчи қисм ва ён кучайтиргичларни қайта ишлатиш имкониятига эга ўта оғир ташувчи, жаҳон космик ракетасозлик тарихидаги энг йирик ракеталардан биридир.
Илк учирилган пайтда у фойдаланишга топширилган энг оғир юк кўтарувчи, кучли ракета эди. Falcon Heavy, шунингдек, муваффақиятли учадиган ракеталар орасида асосий двигателлар сони бўйича мутлақ рекордга эга.
