“Бу сунъий интеллект томонидан яратилган мусиқанинг биринчи намунаси бўлиб, мени ҳайратда қолдирди”, деб ёзган сунъий интеллект лойиҳалари устида ишлаётган Маккей Ригли Twitterдаги ўз саҳифасида. Қўшиқ 14 апрель куни эълон қилинган.
Шундан бери, TikTokда 8,5 миллион мартадан кўпроқ кўрилган. Қўшиқ The Weekndнинг собиқ севгилиси Selena Gomezга бағишланган.
Трекнинг тўлиқ версияси эса Spotifyда 254 000 марта эшитилган. 2 дақиқа 14 сония давом этган композицияни жойлаштирган одам трекни нейрон тармоқ ёрдамида яратганини таъкидлади.
