Қайд этилишича, уч йил давом этган кенг қамровли тадқиқотда 70 ва ундан катта ёшдаги 2000 нафардан ортиқ соғлом одамлар иштирок этган.
Тажриба қатнашчилари икки гуруҳга бўлинган ҳолда, белгиланган муддатда D ҳамда Омега-3 витаминларини турли комбинацияларда қабул қилиб, жисмоний машғулотлар билан шуғулланди.
Энг самарали натижа Омега-3 дармондорисини қабул қилган гуруҳда қайд этилди: тегишли текширувлардан сўнг уларда ҳужайраларнинг қариши сезиларли даражада секинлашгани аниқланди.
Ўз навбатида, D витамини ва жисмоний машғулотлар ҳам ижобий натижа бериши маълум бўлди.
Олимларнинг якуний хулосасига кўра, Омега-3 ва D витаминлари ҳамда мунтазам жисмоний машқларни ўз ичига олган комплекс ёндашув инсонларда қариш тезлигини 1-4 фоизга секинлаштириши мумкин.
