Reuters агентлигининг хабар беришича, воқеа Бангкок яқинидаги Самут-Сакон вилоятида содир бўлган. Кран йўл ўтказгичга қулаб тушди ва иккита транспорт воситасини босиб қолди.
Транспорт вазири Пхипхат Ратчакитпракарн икки кишининг ўлимини тасдиқлади ва воқеа жойидаги вазият хавфлилигича қолмоқда, деб таъкидлади. Унинг қўшимча қилишича, одамлар вайроналар остида қолиб кетган бўлиши мумкин.
“Такрорий қулаш бўлиши мумкинми ёки йўқми, айта олмаймиз”, деди вазир осилиб турган пўлат конструкцияларга ишора қилиб. “Шунинг учун воқеа жойида қутқарувчилар йўқ – у ерда фақат хавфсизликни баҳоловчи гуруҳлар ишламоқда”, дея қўшимча қилди у.
Кеча Таиланднинг шимоли-шарқида қурилиш крани йўловчи поездига қулаб тушиши оқибатида 32 киши ҳалок бўлган эди, деб хабар берди report.az.
