Кимлар ариза топшириши мумкин?
Мазкур ёрдамдан фақат кундузги таълим шаклида тўлов-контракт асосида ўқийдиган қуйидаги шахслар фойдаланиши мумкин:
профессионал таълим ташкилотлари ўқувчилари;
давлат ва нодавлат олий таълим ташкилотлари талабалари;
Ўзбекистон ҳудудидаги хорижий олий таълим ташкилотлари ва уларнинг филиалларида бакалавриат ёки магистратура босқичида таҳсил олаётган талабалар.
Ёрдам миқдори тўлов-контракт суммасининг 50 фоизигача, бироқ БҲМнинг 50 бараваридан ошмаган миқдорда қоплаб берилиши мумкин.
Аризани кўриб чиқиш муддати 8 иш кунини ташкил этади.
Мазкур ёрдам қуйидагиларга татбиқ этилмайди:
иккинчи ва ундан кейинги мутахассисликда таҳсил олаётганлар;
сиртқи, кечки ёки масофавий таълим шаклида ўқиётганлар;
қўшма таълим дастурлари бўйича таҳсил олаётганлар;
табақалаштирилган тўлов-контракт, яъни “супер-контракт” асосида ўқиётганлар.
Жараён қандай амалга оширилади?
Талабгор my.gov.uz орқали онлайн ариза топширади (https://my.gov.uz/uz/service/1374).
Ариза “Маҳалла еттилиги” томонидан кўриб чиқилади.
Ижобий қарор қабул қилингач, маблағ ижтимоий шартнома шартларининг (https://telegra.ph/Ijtimoiy-shartnoma-shartlarini-bajarish-muhim-04-28) дастлабки ойда бажарилиш даражасига қараб, таълим ташкилотининг банк ҳисобварағига ўтказилади.
Мазкур имконият ёшларнинг таълим олишига кўмаклашиш, уларнинг ижтимоий ҳимоясини кучайтириш ҳамда таълим харажатлари бўйича молиявий юкни камайтиришга хизмат қилади.
