Ўзбекистон Республикаси Президентининг “Халқаро кулолчилик форуми ва кўргазма-савдосини ўтказиш тўғрисида”ги қарорига асосан 2022 йилнинг сентябрь ойида Фарғона вилоятининг Риштон туманида ўтказиладиган Халқаро кулолчилик форуми ва кулолчилик маҳсулотлари кўргазма-савдоси логотипи учун танлов эълон қилинган эди.
Бугунги кунда Республика "Ҳунарманд" уюшмасининг info@handicraftman.uz электрон почтасига Танлов иштирокчиларидан 20 дан ортиқ логотип намуналари тақдим этилди.
Халқаро тадбирнинг нуфузи ва аҳамиятини инобатга олиб, ижодкорларга кенг имконият яратиш ва логотип нусхасининг мукаммал вариантини танлаш мақсадида танлов муддати жорий йилнинг 15 апрель санасигача узайтирилганлигини маълум қиламиз, деб ёзмоқда “Ҳунарманд” уюшмаси матбуот хизмати.
