Бу ҳақда Президентнинг «Теннис спорт турини оммалаштириш ва ривожлантириш чора-тадбирлари тўғрисида»ги қарори (ПҚ–347-сон, 21 сентябрь 2026 йил)да белгиланди.
Қарорга кўра, 2030 йилгача теннис спорт турини оммалаштириш ва ривожлантиришнинг асосий мақсадли кўрсаткичлари белгиланди.
Унга кўра:
- теннис билан доимий шуғулланувчилар сонини 3 минг нафарга етказиш;
- теннис бўйича тренерлар сонини 200 нафарга етказиш;
- теннис спорти бўйича Осиёда топ-5 таликка кириш;
- теннис спорт турини истиқболли спорт турлари қаторига киритиш чораларини кўриш назарда тутилган.
Шунингдек, 2026 йил 1 октябрдан Ўзбекистонда теннис бўйича қатор анъанавий мусобақаларни ўтказиш йўлга қўйилади.
Жумладан, Профессионал теннисчилар ассоциацияси (ATP), Аёллар тенниси ассоциацияси (WTA) ҳамда Халқаро теннис федерацияси (ITF) шафелигида халқаро теннис мусобақалари, ёшлар ва катталар ўртасида Ўзбекистон кубоги, шунингдек, ёшлар, ўсмирлар ва катталар ўртасида Республика чемпионати ўтказилади.
Бундан ташқари, катталар ўртасида «Uzbekistan Open» халқаро турнири ҳамда эркаклар ўртасида «ATP Challenger» халқаро мусобақасини ўтказиш йўлга қўйилади.
