Бундан ташқари, академияда япон профессорлари ҳамда маҳаллий мутахассислар билан биргаликда беморларни компьютер томографияси орқали ташхислаш йўлга қўйилди.
“Сўнгги йилларда академия ва Япония тиббиёт таълим ташкилотлари ўртасидаги ҳамкорлик янада фаоллашди. Бугунги кунда академияда Халқаро ҳамкорлик агентлигининг стажировка дастурини якунлаган 3 нафар япониялик мутахассис фаолият юритади. Шунингдек, япониялик бир нафар мутахассис академияга профессор сифатида ишга қабул қилинди. Шу билан бирга, 2022 йилнинг ўзидаёқ Япониянинг тиббиёт корпорацияси билан биргаликда академия негизида талаба ва ўқитувчилар учун япон тили курсларини йўлга қўйиш режалаштирилди”,— деди А.Шодмонов.
