Бу йилги гўзаллик саноати кўргазмасида Россия, Туркия, Испания, Италия, Грузия, Жанубий Корея, Полша, Япония, Исроил, Украина, Беларус, Қозоғистон ва Ўзбекистон каби 13 давлатдан 50 дан ортиқ компания иштирок этмоқда.
Кўргазма икки бўлимга бўлинган: Beauty Expo va Salon Expo. Beauty Expo қисмида қуйидагилар тақдим этилган:
- юз ва тери парваришига қаратилган воситалар;
- соч парваришига қаратилган воситалар;
- гигиена воситалари;
- декоратив косметика;
- парфюмерия;
- табиий косметика;
- косметика ва маиший кимё ишлаб чиқарувчилар учун махсус воситалар;
- шартнома асосида ишлаб чиқариш;
- маиший кимё.
Sаlоn Ехpо йўналиши қуйидагиларни ўз ичига олган:
- юз, тери ва сочни парвариш қилиш учун профессионал косметика;
- инекцион методика ва препаратлар;
- сочни бўяш, безаш ва парвариш қилиш учун воситалар;
- гўзаллик салонлари ва эстетик тиббиёт клиникалари учун асбоб-ускуналар, жиҳозлар ва керакли материаллар;
- макияж учун воситалар.
Кўргазма Ўзбекистон визажистлар уюшмаси, «Соғлом келажак» косметологияни ривожлантириш жамоат бирлашмаси, Тирноқ сервиси ассоциацияси ва Ўзбекистон тиббий асбоб-ускуналар ишлаб чиқарувчилар уюшмаси кўмагида ташкил этилган бўлиб, 18 февралга қадар давом этади.
