Россиянинг «Аэрофлот» авиакомпаниясининг Тошкент вақти билан соат 03:45 да парвоз қилиши режалаштирилган SU1871 (Тошкент — Москва) рейси техник сабабларга кўра номаълум муддатга кечиктирилди. Бу ҳақда «Uzbekistan Airports» АЖ маълум қилди.
Айни пайтда парвоз кечикиш вақти 6 соатдан ошмоқда.
Авиакомпания томонидан рейс йўловчиларини меҳмонхонага жойлаштириш ташкиллаштирилган.
Техник сабабларга кўра пойтахт аэропортидан уча олмаган SU1871 (Тошкент — Москва) рейси йўловчиларини олиб кетиш учун «Аэрофлот» компанияси самолётни алмаштириб, SU7774 чартер рейсини амалга оширади.
Парвоз жадвалига киритилган ўзгартиришлар тўғрисидаги батафсил маълумотларни авиаташувчидан, шунингдек, «Uzbekistan Airports» расмий сайти ва мобил иловаси орқали хабардор этилиши айтилди.
