Бутунжаҳон Даун синдроми куни 21 мартда нишонланади. Кун ва ой патология вужудга келишини тимсолий жиҳатдан акс эттиради: март ойи Даун синдроми 21 хромосома (21 сана) трисомия эканлиги (йилнинг учинчи ойи).
Тошкентдаги фестиваль ташкилотчилари кенг жамоатчилик эътиборини Даун синдромли одамларнинг имкониятлари ва уларнинг жамият ҳаётида бошқалар билан тенгма-тенг иштирок этиш ҳуқуқига қаратиш мақсадида бутун мамлакатдаги «қуёшли болалар» ва уларнинг ота-оналарини ягона маконда бирлаштиришга аҳд қилдилар. Улар бошқаларга ўхшамайди, лекин ҳар бири албатта очиб берилиши ва қўллаб-қувватланиши керак бўлган улкан салоҳиятга эга.
Фестиваль дастуридан «қуёшли болалар» ва эстрадамиз юлдузларининг чиқиши, либослар дефилеси ва маҳорат дарслари, ғоялар, тажриба ва билимлар алмашинуви ўрин олган. Иштирокчиларнинг айтишича, тадбир Даун синдромига эга фарзандини вояга етказаётган ёш ота-оналар учун ҳақиқий байрам ва рағбат бўлди.
Бундай тадбирлар Ўзбекистонда инклюзив жамиятни шакллантириш, ўзига хос болаларнинг ривожланиши учун шароит яратиш ва уларни катта ҳаётда қўллаб-қувватлаш заруратини намойиш этади, деб хабар беради Тошкент шаҳар ҳокимлиги матбуот хизмати.
