Тадбирда томонлар Венгрия компанияларининг ишлаб чиқириш занжирига Ўзбекистон корхоналарини қўшиш, ҳамкорликда савдо кўргазмаларини ўтказиш масалалари, мамлакатимиздан хорижга маҳсулот экспортини кенгайтириш имкониятларини муҳокама қилди.
Музокалар чоғида «Global Faktor Zrt.» компанияси ва «Sirdaryo Universal Oyna» МЧЖ ўртасида тузилган шартномага кўра, йил охирига қадар 33 миллион дона турли сиғимдаги шиша идишларни Венгрияга экспорт қилиш режалаштирилди.
Мулоқотда, шунингдек, жорий йил октябрь ойида Венгриянинг озиқ-овқат маҳсулотлари ишлаб чиқариш билан шуғулланишга ихтисослашган 20 дан ортиқ корхонасини жалб этган ҳолда Тошкентда Венгрия маҳсулотлари кўргазмасини ўтказиш ҳамда ноябрь ойида Будапешт шаҳрида Ўзбекистоннинг озиқ-овқат, тўқимачилик ва ҳунармандчилик маҳсулотлари кўргазмасини ташкил этиш бўйича дастлабки келишувларга эришилди.
Учрашув якунида Венгриянинг фармацевтика, қурилиш маҳсулотлари, электротехника, чарм-пойабзал тармоқлари йўналишларида ҳамкорлик қилишга қизиқиш билдирган компаниялари ва республикамиз тадбиркорлари ўртасида алоқа ўрнатиш, ишбилармон доиралар вакилларининг ўзаро сафарларини ишлаб чиқиш бўйича келишиб олинди.
Маълумот учун, «Global Faktor Zrt.» ва «Urban» компаниялари молиявий хизматлар кўрсатиш, лойиҳаларни молиялаштириш ҳамда кенг турдаги маҳсулотларни экспорт ва импорт қилиш билан шуғулланади.
