28,29 ёшдаги икки сотувчи аёл ўртасидаги жанжал бири иккинчисининг қулоғини узиб олишгача бориб етди.
Суд тиббиёт экспертизаси хулосасига кўра, 29 ёшли аёлга баданнинг қатор соҳаларида тузалмайдиган даражадаги хунуклашишига сабаб бўлган қасддан оғир шикаст етказилган.
Қулоғи тишланган аёл ҳам рақибига бир қанча жароҳат етказган. Бироқ экспертиза у олган жароҳатларни соғлиқни қисқа муддатга ёмонлашувига олиб келадиган енгил шикаст деб топган.
Тишлонғич аёлнинг судга берган кўрсатмасига кўра, унинг маҳсулотига келган харидорга ёнидаги шериги бу маҳсулот Қашқадарёдан келиши, сифати яхши эмаслигини айтиб, харидорни қайтаришга ҳаракат қилади ва ўзининг маҳсулотини таклиф қилади. Шундан сўнг жанжал бошланади.
“Бир вақт ўнг қулоғимда кучли оғриқни ҳис қила бошладим ва “қўйиб юбор” деб бақирдим. Ўша ердаги бир аёл шеригимнинг устидан челакда сув сепгач, у тўхтади ва унинг юзига қараганимда оғзи қон эканини кўрдим. Шок ҳолатига тушиб, қулоғимга қўлим билан теккан вақтимда ўнг қулоғимнинг ярми йўқ эканини билдим, атрофдагилардан қулоғимнинг узилган қисмини қидиришни илтимос қилдим", – дейди 29 яшар судланувчи.
Жиноят ишлари бўйича Шайхонтоҳур туман суди томонидан қулоғининг ярмидан айрилган аёл қасддан баданга енгил шикаст етказишда айбдор деб топилиб, БҲМнинг 5 баравари (1 млн 5 минг сўм) миқдорида жаримага тортилган. Тишлонғич аёлга эса 3 йил муддатга озодликни чеклаш жазоси тайинланган.
