Бу ҳақда ҳокимлик ахборот хизмати маълум қилди.
Қайд этилишича, жорий йил 11 майдан 26 июлга қадар пойтахтнинг 56 та кўчасидаги 3 228 та тадбиркорлик субъекти дизайн-кодни жорий этиш ишларига жалб қилинган.
Тадбиркорлар ўртасида ўтказилган сўровнома натижасида айрим ҳолатларда дизайн-код талаблари, ҳужжатларни расмийлаштириш тартиби ва ишлар кетма-кетлиги етарлича тушунтирилмагани аниқланган. Бу эътирозлар ўринли деб топилиб, келгуси ишлар инобатга олинади.
Айни пайтда 509 нафар тадбиркор бино фасадини янгилаган, яна 2 627 нафари ишларни якунламоқда. Қолган масалалар туман ҳокимликлари ва мутасадди ташкилотлар билан ҳамкорликда индивидуал тартибда кўриб чиқилади.
Шунингдек, 18 та реклама-ишлаб чиқариш компанияси мутахассисларининг малакаси оширилди.
Тошкент шаҳар ҳокимлиги дизайн-кодни жорий этишда асосий эътибор очиқ мулоқот, талабларни тушунарли етказиш ва тадбиркорлар билан юзага келадиган масалаларни индивидуал тартибда ҳал этишга қаратилишини маълум қилди.
