Тадқиқот давомида олимлар ўн йил давомида 50 ёш ва ундан катта ёшдаги деярли тўққиз минг кишининг когнитив функцияларини ўрганишди. Тадқиқотда иштирок этганларнинг уйқу билан боғлиқ одатлари ва жисмоний фаолликнинг турли комбинацияси уларнинг ақлий қобилиятига қандай таъсир қилиши мумкинлиги баҳоланди.
Таҳлил шуни кўрсатдики, кўпроқ жисмоний фаол бўлган, лекин ўртача олти соатдан кам ухлаган одамларда когнитив қобилиятнинг пасайиши тезроқ юзага келган.
Олдинги тадқиқотлар жисмоний машқлар когнитив қобилиятни яхшилаши мумкинлигини кўрсатганди. Бироқ энди одам кунига олти соатдан саккиз соатгача ухласагина бу ҳолат содир бўлиши ўз исботини топди. Бундан ташқари, бундай корреляция фақат 50 ёшдан 60 ёшгача бўлган ёш гуруҳида кузатилган. 70 ёш ва ундан катта ёшдаги иштирокчиларда жисмоний фаолликнинг ақлий қобилиятга фойдаси ҳатто қисқа уйқуда ҳам сақланиб қолган, деб хабар беради lenta.ru.
