Шимолий Атлантика альянси Гренландияни Қўшма Штатларга қўшиб олиш жараёнига бошчилик қилиши керак. АҚШ Президенти Дональд Трамп бу ҳақда 14 январь куни Truth Socialда маълум қилди.
“Қўшма Штатлар ўзининг миллий хавфсизлиги учун Гренландияга муҳтож... НАТО уни аннекция қилиш жараёнига бошчилик қилиши керак”, деб ёзди у.
Трамп Гренландия Вашингтон назорати остида бўлса, НАТО “янада кучлироқ ва самаралироқ” бўлишига ишонади. Америка раҳбари оролнинг АҚШнинг “Олтин гумбаз” ракетага қарши мудофаа тизими учун ҳаётий аҳамиятини таъкидлади.
Шунингдек, Трамп Россия ва Хитойни гўёки Гренландияни ўзига олиш ниятида бўлишда асоссиз равишда айблади. Унинг таъкидлашича, агар АҚШ оролни эгаллаб олмаса, “Пекин ёки Москва эгаллаб олади”.
Бу Америка раҳбарининг бу масала бўйича қилган биринчи баёноти эмас. Илгари у бир неча бор Гренландияни стратегик муҳим ҳудуд деб атаган ва уни АҚШ назоратига ўтказиш ниятини билдирган эди, деб хабар берди ren.tv.
Трампнинг таклифлари аллақачон Дания, жумладан, Гренландия томонидан кескин танқидларга, шунингдек, Европа НАТО иттифоқчилари орасида хавотирга сабаб бўлган. Эслатиб ўтамиз, 2026 йиль январь ойи бошида АҚШ Президенти Дональд Трамп ва унинг маъмурияти аъзолари яна Гренландия устидан назорат ўрнатишга интилиш ҳақида гапиришди. Орол расмийлари ва Дания раҳбарияти Американинг “босқини”нинг ҳеч қандай шаклини қабул қилмасликларини айтишди.
