Янги штаммнинг бошоқ оқсилида ҳужайра билан ўзаро таъсирга киришадиган мутациялари мавжуд. Айнан шу оқсил вируснинг инсон организмига кириб олишига сабаб бўлади.
“Цербер” БА.5 коронавирус штаммининг субвариантидир. У оқсилда қўшимча Р346Т, К444Т ва Н460К мутацияларини ўз ичига олади.
Роспотребнадзорнинг Марказий эпидемиология илмий-тадқиқот институти геномика тадқиқотлари лабораторияси раҳбари Комил Ҳафизовнинг сўзларига кўра, деярли барча қитъаларда мазкур янги мутация аниқланган.
Шифокорларнинг фикрига кўра, мазкур коронавирус инфекцияси жуда енгил кечади ва “Делта” штаммидаги каби оқибатларга олиб келмайди.
Мутахассисларнинг таъкидлашича, коронавируснинг барча вариантлари, шу жумладан, “Цербер” ҳам эволюцияси туфайли олдинги штаммларга қараганда юқумлироқ бўлиши мумкин.
Тиббиёт фанлари доктори Владислав Жемчугов “Москва 24” телеканалига берган интервьюсида айтганидек, “Цербер” коронавируси субвариантини юқтирганлар бурун оқиши, йўтал, бош оғриғи ва мушак оғриғини бошдан кечиришлари мумкин.
Жемчуговнинг сўзларига кўра, коронавирус вариантлари симптомлари бўйича ўхшаш бўлгани учун одамнинг улардан қайси бири билан касалланганини фақат тест ёрдамида аниқлаш мумкин.
