Ускуна, ишлаб чиқувчиларнинг фикрига кўра, натижани 99 фоиз аниқ кўрсатади.
Олимлар мазкур тестни етти ой давомида ишлаб чиқди. Тизим коронавирус борлигини оғиздан олинган тупук намунаси ёрдамида аниқлайди. Патоген борлиги махсус биосенсор томонидан аниқланади, мусбат натижа бўлса сенсор ёришади. 2019 йилда Жанубий Кореялик олимлар MERS касаллигини келтириб чиқарадиган вирусни аниқлаш учун худди шундай синов тизимини яратганди.
Тадқиқот муаллифларининг фикрига кўра, ПЦР синовларидан фарқли ўлароқ, ушбу тизим бурундан анализ олишни талаб қилмайди, бу одамларда ноқулайлик туғдириши мумкин. Бундан ташқари, ПЦР тестининг натижаларини камида бир кун кутиш керак. Бу ускуна эса коронавирус бор ёки йўқлигини 10 дақиқада аниқлаши билан эътиборга молик.
