Килис ва Шанлиурфадан кейин Адана вилоятида ҳам зилзилалардан сўнг қидирув-қутқарув операцияси якунланди, дея маълум қилди Туркия Қишлоқ хўжалиги вазирлиги раҳбари Вахит Киришчи Twitterдаги саҳифасида.
“Аданада қидирув-қутқарув операцияси якунланди. 34 нафар фуқарони вайроналар остидан олиб чиқдик, 418 нафар фуқаро ҳалок бўлди”, деди у.
Адана Туркияда юз берган кучли зилзиладан энг кам жабрланган вилоятларидан биридир. У ерда вайрон бўлган бинолар бор, одамлар вайроналар остида қолиб кетган, бироқ Ҳатай, Қаҳрамонмараш, Адиямандаги фалокат билан солиштирганда, бу ҳудуд анча кам талофат кўрган, деб хабар беради mir24.tv.
