Туркиянинг Hurriyet нашрининг хабар беришича, 22 ёшли Сейидов Туркияга икки йил олдин келиб, Кастамону университетининг математика факультетига ўқишга кирган. Ахборот технологияларига қизиқиши юқори бўлганлиги сабаббли ўқишдан бўш вақтларида Apple дастурлари тизимидаги хатоларни топиш устида ишлаган.
Сейидов олдин ҳам Apple тизимидаги камчиликларни аниқлаган эди. Ўшанда Сейидов дўстининг телефонидаги Apple хатосини аниқлаб, 250 лира мукофот олган ва шу маркадаги телефонларнинг камчиликлар устида ишлашни бошлаган.
Бу сафар Apple Storeга тизимида ўйинлар юклаб олишдаги камчиликларни аниқлаган йигит тезда компанияга хабар берди. Шундан сўнг компания Сейидовга 25 минг лира ва миннатдорлик мактуби юборди.
