Бугунги дастурлардан ўрин олган оғир атлетика баҳсларида -87 килограмм вазн тоифасида Турсуной Жабборова даст кўтариш машқида олтин медалга сазовор бўлди.
Ушбу йўналишда катталар ўртасида амалдаги жаҳон чемпиони ҳисобланмиш Жабборова дастлаб 102 килограмм, сўнг 106 килограмм ва якуний уринишда 109 килограмм натижа қайд этди. Аҳамиятлиси, у 102 килограмм тошни бўйсундирганида мазкур йўналишдаги олтин медал тақдири ҳал бўлиб улгурган эди. У қайд этган 109 килограмм эса мусобақанинг янги рекорди сифатида қайд этилди.
Спортчимиз шунингдек, силтаб кўтаришда 126 килограмм, икки курашда 235 килограмм натижа кўрсатиб, барча йўналишда олтин медалларни ўзиники қилди.
