Гипоталамо-гипофизик дисфункцияли эпилепсияни даволаш дастури яратилди, деб ёзмоқда Интеллектуал мулк агентлиги.
Эпилепсия, яъни тутқаноқ, бош миянинг сурункали касаллиги бўлиб, кўпинча ҳушдан кетиш, бемор шахсининг ўзгариши, айрим ҳолларда ақлий қобилиятнинг сусайиб бориши билан кечади.
Касалликни келтириб чиқарувчи қуйидаги сабаблар тез-тез учраб туради: бош мия жароҳати, инсульт, бош мия ўсмаси, туғруқ жараёнида кислород ва қон-томир етишмовчилиги, мия тузилишининг бузилиши (малформациялар), менингит, вирус ва паразитар касалликлар, мия абсцесси (йиринглаши).
Катта ва кичик тутқаноқлар эпилепсиянинг асосий бегисидир. Кўпинча, ҳеч бир сабабсиз, баъзан қаттиқ ҳаяжон, чарчашдан сўнг тутқаноқ тутади. Аксари тутқаноқ бошланишидан аввал бемор кайфияти ўзгаради, серзарда ёки маъюс бўлади, боши оғрийди, ланж тортади.
Дастур гипоталамус-гипофиз тизимининг эндокрин функцияларини тартибга солади, тананинг гормонал мувозанатини нормаллаштиришга имкон беради.
Интеллектуал мулк агентлиги томонидан дастур рўйхатдан ўтказилиб, ДГУ 14642 рақамли гувоҳнома билан муҳофазага олинди.
