Шу кунларда Саудия Арабистонида Футбол бўйича Осиё кубоги U20 “А” гуруҳи саралаш босқичи ўйинлари бўлиб ўтмоқда
Кеча ҳамюртларимиз саудиялик тенгдошлари билан баҳслашдилар. Учрашувнинг 34-дақиқасида Маҳмуд Жўрабоев ҳисобни очди. 85 дақиқада Фаҳад мувозанатни тенглаштирди. 90-дақиқада Риан Исломов пенальтидан гол уриб, жамоамизнинг ғалабасини таъминлади – 2:1.
Авалги икки ўйинда Ўзбекистон ёшлар жамоаси Мальдив (7:0) ва Мьянма (3:0) ёшларини мағлуб этганди.
Низомга кўра гуруҳда 1-ўринни эгаллаган жамоа Осиё чемпионати йўлланмасини қўлга киритади.
Осиё чемпионати 2023 йилда Ўзбекистонда ўтади. Шу сабабли, ёшларимиз саралаш ўйинлари қандай натижа билан тугашидан қатъи назар, мезбон сифатида чемпионатда иштирок этади.
