2022 йилнинг 2-3-март кунлари "Uzbekistan Airways" АЖнинг учта самолёти билан 671 нафар Ўзбекистон Республикаси фуқароси Польшанинг Катовице аэропорти орқали Украинадан эвакуация қилинди. Улар орасида 129 аёл, 82 нафар бола ва 14 нафар чақалоқ бор.
Умумий ҳисобда Украинадан Польша ҳудуди орқали саккизта авиарейслар билан 1 859 нафар ватандошимиз олиб келинди. Бугун яна бир неча эвакуация қатновини ташкил этиш режалаштирилган.
Польша ҳудудида мамлакатимизнинг 1100 дан ортиқ фуқароси қолмоқда. Улардан 550 нафари Польша давлат чегарасидаги тўпланиш нуқтасига, 550 нафари эса Катовице аэропортига жойлаштирилган.
Ўзбекистон Республикасининг Украинадаги Элчихонаси томонидан жанговар ҳаракатлар кетаётганига қарамай, мамлакатимиз фуқароларини эвакуация қилиш ишлари давом эттирилмоқда.
Мамлакатимизнинг Польша ва Украинадаги дипломатик ваколатхоналари узлуксиз тартибда ишламоқда. Фуқароларимиз учун иссиқ овқат етказилиб, зарур ҳолларда тиббий хизматлар кўрсатилмоқда.
*****
Ўзбекистоннинг Украинадаги Элчихонаси рақамлари:
+380 44 501 50 00,
+380 44 501 41 81,
+380 44 501 41 82,
+380 44 501 41 83.
Ўзбекистоннинг Полшадаги Элчихонаси рақамлари:
Маруф Каримов (“Карчова” назорат-ўтиш пунктида): +48 508 064 333; Телеграм: +99893 5947557.
Асқар Бекназаров (Катовице шаҳри аэропортида): +48 508 995 888; Телеграм: + 99890 1160084.
Сардор Ахматов (Элчихонада): +48 502 501 588" Телеграм: + 99894 6541010.
Ўзбекистон Республикаси Ташқи ишлар вазирлигининг “Call-markazi”:
1164 ва @Miduzbshtab Телеграм-канали.
