Бош консулхонадан олинган маълумотга кўра, ватандошимиз О.Б. ўтган йили 15 декабрь куни умра амалларини адо этиш мақсадида Саудия Арабистонига келган. 31 декабрь куни умра ибодатлари якунлаб, Маккадан Жидда халқаро аэропортига етиб келганида ўт пуфагидаги оғриқлар хуружи боис ушбу шаҳардаги “King Abdullah Medical Complex” касалхонасига жойлаштирилган. Шифохонада ҳамюртимизнинг буйрак ва ўт пуфагида тўпланган тошлар жарроҳлик йўли билан олиб ташланган.
Беморнинг ўғли Б.А. Бош консулхонага йллаган мурожаатида, отасини Ўзбекистонга олиб кетиш ва шифохона билан юзага келган муаммоларни ҳал этишда амалий ёрдам беришни сўрган.
Ўзбекистон дипломатлари “King Abdullah Medical Complex” шифохонаси масъуллари билан учрашув ўтказиб, беморнинг Ўзбекистонга қайтиши билан боғлиқ ҳужжатларни расмийлаштиришга амалий ёрдам кўрсатишди.
Шунингдек, беморда ўтказилган жарроҳлик амалиёти учун тўлов билан боғлиқ масалалар ҳам томонлар ўртасида ижобий ҳал этилди.
