Тошкент шаҳар божхона бошқармасининг “Чуқурсой техник идора” темир йўл чегара божхона постида пост ходимлари Давлат хавфсизлик хизмати чегара қўшинлари ходимлари билан ҳамкорликда гиёҳвандлик воситасининг навбатдаги ҳаракатига чек қўйилди.
Унга кўра, республикамизга кириб келаётган юк поезди таркиби назоратдан ўтказилганда, хизмат итининг белги бериши натижасида поезд таркибидаги вагоннинг қўшғилдирак рамаси ён ички қисмида оқ рангли полиэтилен пакет ичига солинган ва газетага ўралган ҳолда турган, яшил рангли майдаланган ўзига хос ўткир ҳидли модда борлиги аниқланди.
Аниқланган моддалар холислар иштирокида кўздан кечирилганида, ўрами билан оғирлиги 44 граммни ташкил этувчи “Марихуанна” гиёхвандлик воситаси эканлиги маълум булди.
Ҳозирда ҳолат юзасидан суриштирув ҳаракатлари олиб борилмоқда
