Буюк Британия ҳукуматининг бош илмий маслаҳатчиси Патрик Валланснинг таъкидлашича, коронавирусга қарши эмлаш Буюк Британияда 2021 йил баҳоригача ўтказилмайди ва у қўлланган тақдирда ҳам COVID-19 бутунлай йўқ бўлиб кетиши мумкин эмас, деб хабар беради РИА Новости Sky Newsга таяниб.
Телеканал маълумотларига кўра, Британия парламенти қўмитасида сўзга чиққан Валланс инсоният бутунлай йўқ қилишга муваффақ бўлган ягона юқумли касаллик бу — чечак эканлигига ишора қилди. Коронавирусга келсак, келажакда унга қарши кураш кўпроқ мавсумий гриппга қарши курашга ўхшайди, деди Британия ҳукумати маслаҳатчиси.
“Ўйлайманки, биз инфекцияни тўлиқ тўхтатадиган вакцинага эга бўлишимиз мумкин”, — деди Валланс. Унинг фикрига кўра, бундай вакцина 2021 йил баҳоригача “ҳар қандай оммавий фойдаланиш учун” мавжуд бўлиши эҳтимолдан йироқ эмас. “Шубҳасиз, вакцина пайдо бўлиши билан касалликни бошқариш осон бўлади... у ҳар йили гриппга ўхшаб ўтиб кета бошлайди”, деди Валланс.
Сўнгги ҳафталарда Буюк Британияда COVID-19 касаллиги кўпайган. Бош вазир Борис Жонсон 12-октябрь куни маҳаллий чекловнинг янги уч босқичли тизимини эълон қилди. Душанба куни Уэльс ҳукумати 23 октябрдан 9 ноябргача карантин чора-тадбирларини маълум қилди: ноозиқ-овқат дўконлари, спорт марказлари, меҳмонхоналар ва ресторанлар ёпилади. Иложи бўлса, одамлар масофадан туриб ишлашлари керак, улар айрим истиснолардан ташқари, уйда ҳам, ташқарида ҳам учрашмасликлари керак.
17 октябрдан бошлаб Лондонда кескин чекловлар кучга кирди. Шунингдек, Ливерпул ва Ланкашир графлигида қаттиқ карантин чоралари кўрилди.
