Рентгент тасвири вакцина олиб, кейин касал бўлган беморларда ўпканинг ҳолати яхши ҳолатда эканини, аксинча вакцина олмаган беморларда ўпка зарар кўрганини тасдиқлади.
АҚШнинг Миссури штатидаги Сент-Луис университети қошидаги шифохона бўлими бошлиғи доктор Гассан Камелнинг изоҳлашича, рентгент тасвирида соғлом ўпкада тўқималар ҳамда суяклар оралиғи тўқ рангда акс этиши ўпка кислород билан тўлиқ таъминланганини, яхши ишлаётганидан далолат беради. COVID-19га қарши вакцина олмаган беморлар ўпкасининг рентгент тасвирида оқ ранг кўпроқ намоён бўлади. Шифокорнинг айтишича, бу ўпкада муаммо борлигини, кислород етишмовчилигини тасдиқлайди.
Гассан Камелнинг фикрича, ўпкасида ана шундай муаммоси бор беморларни дарҳол кислород баллонига улаш чораларини кўриш талаб этилади.
