Ҳиндистоннинг Андхра-Прадеш штати, Виджайвад шаҳрида коронавирусга чалинганлар учун вақтинча касалхонага айлантирилган меҳмонхонада ёнғин чиқди. Натижада камида 7 нафар фуқаро ҳаётдан кўз юмган, 15 киши жабрланган. Бу ҳақда NDTV телеканали хабар тарқатди.
Дастлабки маълумотларга қараганда, ёнғин қисқа туташувдан келиб чиққан. Меҳмонхонадаги барча беморлар тезлик билан бошқа касалхоналарга олиб ўтилган. Уларнинг кўп оғир аҳволда.
Телеканал хабарида таъкидланишича, касалхонага айлантирилган меҳмонхонада 22 бемор даволанаётган бўлган.
Шу ўринда қайд этиш лозимки, бугунгача Ҳиндистонда 2,08 миллион киши коронавирус билан зарарланган. Мамлакат беморлар сони кўплиги бўйича дунёда учинчи ўринни эгаллаб турибди.
