Унга кўра, зиёрат туризми соҳасида кадрлар тайёрлаш, бу йўналишда хорижий экспертлар билан узвий муносабатларни йўлга қўйиш, илмий ва маърифий лойиҳаларни амалга ошириш, Қўмита мутахассислари билан биргаликда Академия талабалари иштирокида зиёратгоҳлар ва туризм йўналишлари бўйича қўлланма ҳамда хариталар ишлаб чиқиш бўйича қатор лойиҳалар амалга оширилади.
Шунингдек, ҳамкорлик асосида халқаро электрон ресурслар манбалари контентини бойитиш ва зиёрат туризм йўналишида база яратишга келишиб олинди.
Учрашув чоғида Халқаро ислом академияси томонидан Ўзбекистондаги 500 га яқин зиёратгоҳлар тўғрисидаги тўплам нашр этилганлиги маълум қилиниб, Туризм қўмитаси томонидан ушбу тўплам туризм соҳасидаги тадбиркорлик субъектлари орасида тарғиб қилинишида амалий ёрдам беришга келишилди, деб хабар беради Туризм қўмитаси матбуот хизмати.
