Хитой фазовий тадқиқотлар учун сунъий йўлдошни Ер орбитасига олиб чиқди

Фан 11 янв 2024, 12:25 569

Хитойнинг Kuaizhou-1А ракетаси фазовий тадқиқотлар ва тажрибалар учун мўлжалланган Tianxing-1 02 Star сунъий йўлдошини Ер орбитасига муваффақиятли тарзда олиб чиқди.

Парвоз Пекин вақти билан 11:52 да Хитой шимоли-ғарбидаги Ганьсу вилоятидаги Цзюцюань космодромидан амалга оширилди.

Аввалроқ Хитой ва Европа Иттифоқи коинотдаги рентген нурларини ўрганишга мўлжалланган қўшма “Эйнштейн” зондини ишга туширган эди. CZ-2C ракетаси фазовий кема билан Хитойнинг жануби-ғарбидаги Сичан космодромидан 9 январь куни маҳаллий вақт билан 15:03 учирилган эди, деб хабар беради lenta.ru.