Экипаж командири бундан олдин икки марта, иккинчи фазогир бир марта коинотга учган бўлса, учинчиси эса биринчи марта осмонга кўтарилди.
Стартдан 573 сония ўтиб, кема ракетадан ажралди ҳамда керакли томонга йўналди. Энди у қурилаётган “Тяньгун” коинот стациясининг асосий модули билан боғланиши керак. Фазогирлар станцияга ўтишади ва уч ой ўша ерда бўлишади. Улар Ерга сентябрь ойида қайтишади.
Хитойда фазогирларни коинога олиб чиқиш миссиялари бунгача етти марта амалга ошган. 2003 йилда Хитой фазогирларни коинотга мустақил тарзда олиб чиқишни йўлга қўйган учинчи мамлакат (СССР ҳамда АҚШдан кейин)га айланди.
Эслатиб ўтамиз, Хитой 29 апрель куни ўзининг қурилаётган орбитал станцияси - “Тяньгун” учун “Тяньхэ” модулини юборган эди. Мазкур коинот станциясини Халқаро коинот станциясининг муқобили сифатида 2022 йилда қуриб битказиш режалаштирилган.
