Хитойда коронавирусга чалиниш бўйича сўнгги 7 ойдаги энг юқори кўрсаткич қайд этилди

Саломатлик 26 июл 2021, 15:08 2 834

Хитойда COVID-19га чалиниш бўйича сўнгги 7 ойдаги энг юқори кўрсаткич қайд этилди, дейилади korrespondent.net сайтида.

Хитойда ўтган суткада коронавирусга чалиниш билан боғлиқ 76 ҳолат қайд этилди. Бу 2021 йилнинг январь ойидан буён энг юқори суткалик кўрсаткичдир.

Цзянсу провинциясида 39, Ляонин провинциясида эса 1 ҳолат қайд этилган. Шунингдек, чет элдан қайтган 36 нафар мамлакат фуқаросида ҳам коронавирус аниқланган.

Эслатиб ўтамиз, Хитойда шу кунгача COVID-19га чалиниш билан боғлиқ 92 605 ҳолат аниқланган. Айни пайтда 740 дан зиёд бемор шифохоналарда даволанмоқда, уларнинг 17 нафарининг аҳволи оғирлиги айтилмоқда.