“Кўҳна диёр” масъулияти чекланган жамиятининг сўнгги русмдаги тикув дастгоҳлари ва бошқа жиҳозлар ўрнатилган шинам цехларида кунига 20 минг дона кийим-кечак тайёрланади.
Келгусида корхонанинг ишлаб чиқариш фаолияти янада кенгайтирилиб, ишлаб чиқариладиган маҳсулот турларини камида мингтага етказиш ҳамда Россия ҳамда Қозоғистонга экспорт қилиш режалаштирилган.
Янги корхонада шаҳарлик ҳамда ёндош туманларда истиқомат қиладиган 500 нафар хотин-қиз муқим иш билан таъминланди.
Айни вақтда ушбу корхона вилоятда энг кўп хотин-қизлар ишлайдиган даргоҳ бўлиб, келаси йили яна шундай иккита корхона ишга туширилади.
Рўзимбой Ҳасан,
“Янги Ўзбекистон” мухбири
