Қўшкўпир туманида фаолият олиб бораётган “WВM QOSHKOPIR CLASTER” масъулияти чекланган жамият томонидан бирданига учта йирик ишлаб чиқариш корхонасига тамал тоши қўйилди. Энг сўнгги техника ютуқлари асосида яратилган ускуналар ўрнатиладиган бу корхоналар хом ашёни икки босқичда тайёр маҳсулотга айлантиришга асосланган. Аввало, пахта толасидан калава ип тайёрланади, сўнгра ундан тайёр кийим-кечаклар тикилади. Яна бир корхонада эса пахта чигити қайта ишланиб, истеъмол ёғи ишлаб чиқарилади.
Йил охиригача ишга туширилиши режалаштирилган учта корхонада 1200та янги ишчи ўрни яратилади.
Энг эътиборли томони, Хоразмнинг энг чекка тумани ҳисобланмиш Қўшкўпирда шу кунгача бирорта йирик саноат корхонаси йўқ эди. Кластер шу бўшлиқни тўлдирди.
Рўзимбой ҲАСАН,
“Янги Ўзбекистон” мухбири
