Шу кунгача пахта чигити, кунгабоқар ва соядан овқатда ишлатиладиган ёғ олинарди. Воҳада эса кунжут кўп асрлардан буён етиштирилиб, ундан ёғ олиш технологияси яратилган бўлса-да, сўнгги пайтларда бу соҳа эътибордан четда қолиб келаётган эди.
Янгибозор туманининг Манғитлар маҳалласида туркиялик сармоядорлар билан ҳамкорликда кунжутни қайта ишлаш заводи қурилиши бошланди. “KIVA SESAME” масъулияти чекланган жамияти “Мойли экинларнинг иқтисодий самарали навларини яратиш ва қайта ишлашни ташкил этиш” лойиҳаси доирасида ушбу савобли ишга қўл урди.
Кейинги йил бошида ишга тушадиган янги завод ҳудудда шу соҳадаги илк корхонага айланади.
Рўзимбой ҲАСАН,
“Янги Ўзбекистон” мухбири
