Хатлов натижаларига кўра Янгиер шаҳридаги мавжуд 41 183 нафар аҳолининг 6 484 нафарини ёшлар ташкил этиши аниқланди. Шакллантирилган рўйхат асосида Янгиер шаҳридаги ишсиз ёшлар иштирокида ноанъанавий учрашув ташкил этилди.
Учрашувда тикувчилик йўналишида ишлашга қизиқиш билдирган 50 нафар ишсиз ёшлар шаҳардаги “Elegant Fiber Textile” фабрикасига ишга қабул қилинди. Келгусида ушбу корхонада иш ўринлари кенгайтирилиб яна шунча ёшларнинг бандлигини таъминлаш режалаштирилган.
Маълумот ўрнида, Янгиер шаҳрида 2020 йил биргина декабрь ойиининг ўзида “Ёшлар дафтари”га киритилган 80 нафар ёшларнинг муаммолари ҳал этилди. Шундан, 58 нафарининг бандлиги таъминланган бўлса, 8 нафарига тадбиркорлик фаолиятини бошлаш учун имтиёзли кредитлар ажратилди, яна 14 нафари касбга қайта тайёрлов курсларига йўналтирилди.
Сирдарё вилоят ҳокимлиги Ахборот хизмати
