Япония мудофаа вазирлиги томонидан Афғонистондан Япония фуқаролари, жумладан JICA - Япония халқаро ҳамкорлик ташкилоти волонтёрлари ва ушбу ташкилотда фаолият юритган афғонлардан иборат жами 500 нафар шахс эвакуация қилиниши режалаштирган эди.
Аммо ҳарбийлар эвакуацияда кутилган натижага эриша олмади: йирик ҳарбий самолётда фақатгина 15 нафар шахс (1 нафар япон ва 14 нафар афғон) эвакуация қилинган, холос.
Бундай тезкор қарор қабул қилишга Қобул аэропортида рўй берган теракт сабаб бўлганлиги айтилмоқда.
Таъкидлаш жоиз, ушбу “омадсиз” эвакуация Япония тарихида чет эл фуқароларига ёрдам учун юборилган ҳарбий операциянинг биринчисидир.
Сабаби Иккинчи Жаҳон урушидан кейинги мағлубият туфайли янги Конституцияда мамлакат мудофаа тизимининг ҳар қандай уруш ва халқаро ҳарбий низоларда иштирок этиши (гуманитар ёрдам бундан мустасно) таъқиқланган.
