Бу ҳақда Investing портали хабар берди.
Лондон металл биржаси (LME) савдолари давомида альюминий фьючерслари 2,8% га ўсиб, 1 тонна учун 3544 долларни ташкил этди. Бу кўрсаткич 2022 йил апрелидан бери биринчи марта қайд этилди.
Кейин нарх бироз пасайди. Сўнгги маълумотларга кўра, 1 тонна альюминий 3387 долларга ёки 1,1% га пасайди.
Ўтган ҳафта альюминий нархи тахминан 10% га ошди, бу сўнгги уч йилдаги энг катта ҳафталик ўсишни кўрсатади. Мутахассислар бу динамикани Яқин Шарқ мамлакатларидан етказиб беришдаги мумкин бўлган узилишлар билан изоҳлади. Бу мамлакатлар глобал альюминий ишлаб чиқаришнинг тахминан 9% ни таъминлайди.
Бундан ташқари, Қатар ва Баҳрайндаги иккита альюминий заводи минтақадаги қуролли можаро туфайли етказиб беришни тўхтатишга мажбур бўлди, деб хабар берди oz.inform.kz.
Shuohe Asset Management Co. компаниясининг эксперти Гао Инь узоқ давом этадиган можаро альюминий етказиб беришга салбий таъсир кўрсатиши мумкинлигини таъкидлади. Унинг сўзларига кўра, истеъмолчилар юзага келиши мумкин бўлган узилишларга тайёргарлик кўриш мақсадида металл захираларини кўпайтиришни бошлади.
Эслатиб ўтамиз, Трамп пўлат ва алюминий импортига божларни 50 фоизга оширган эди.
