Ўзбекистон Республикаси Президентининг жорий йилнинг 21-22 январь кунлари Бухоро вилоятига қилган ташрифлари давомида Олотга йўловчи поездлар қатновини йўлга қўйиш бўйича берган таклифларига биноан, «Ўзбекистон темир йўллари» АЖ томонидан 2021 йилнинг 25 январидан бошлаб Тошкент – Олот – Тошкент йўналишида ҳафтасига 4 маротаба йўловчи поездлари қатнови йўлга қўйилади.
Унга кўра ҳафтанинг душанба, сешанба ҳамда пайшанба, жума кунлари Тошкент – Олот йўналишида, 26 январдан бошлаб эса ҳафтанинг сешанба, чоршанба, жума, ва шанба кунлари Олот – Тошкент йўналишида йўловчи поездлар қатнови бошланади.
ИЗОҲ: Қўшимча маълумотни Тошкент шаҳридаги 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олишингиз мумкин.
