Ҳар 10 йилда бир маротаба ўтказиб келинадиган форум БМТнинг таълимни ўзгартириш бўйича яқинда ўтказилган саммитининг мантиқий давоми бўлиб, таълимга устувор эътибор қаратишга чақиради.
Анжуманда Тошкент шаҳридан 1000 дан ортиқ киши, жумладан, давлат ва ҳукумат раҳбарлари, тегишли вазирлар, шунингдек, фуқаролик жамияти, халқаро ташкилотлар, хусусий сектор ва илмий доиралар вакиллари иштирок этиши режалаштирилган. Аввалроқ ЮНEСКО дунёда 5 ёшга тўлган ҳар тўртинчи бола ҳеч қачон мактабгача таълимга эга бўлмагани, дунё миқёсида эса мамлакатларнинг ярмидан камроғи уни бепул таъминлаётгани ҳақида маълум қилган эди.
“Конференция саккиз ёшгача бўлган болаларга сармоя киритишни кўпайтириш, шунингдек, уларни тарбиялаш ва таълим олишда қатор устувор йўналишларда янги мезонларни белгилашга ёрдам бериши кутилмоқда. Унинг асосий натижаси яқин ўн йилликда дунёда мактабгача таълимни ривожлантириш стратегиясини белгилаб берувчи Тошкент декларациясининг қабул қилиниши бўлиши керак, — деди Ўзбекистон Республикасининг мактабгача таълим вазири Агриппина Шин.
Эслатиб ўтамиз, ўтган ҳафтада жаҳон оммавий ахборот воситалари халқаро тадқиқот натижаларини эълон қилган эди, унга кўра Ўзбекистон 3 ёшдан 6 ёшгача бўлган болаларни мактабгача таълим билан қамраб олиш бўйича ўсиш бўйича жаҳон рейтингида биринчи ўринни эгаллаган. Кучли ўнталикка Тожикистон, Беларус, Финляндия, Қозоғистон, Литва, Туркия, Швейцария, Полша ва Озарбайжон ҳам кирган.
