Ўзбекистон U-20 терма жамоаси CAFA чемпионлигини қўлга киритди

Спорт 20 май 2026, 10:01 4 993

Тожикистонда бўлиб ўтган “CAFA U-20 Championship” мусобақасида Жамолиддин Раҳматуллаев бошчилигидаги Ўзбекистон U-20 терма жамоаси бош совринни қўлга киритди.

Ёшларимиз турнир давомида барча учрашувларда ғалаба қозониб, бирорта ҳам гол ўтказиб юбормади. 12 очко жамғарган жамоа мусобақа ғолиби сифатида эътироф этилди.

Мусобақа якунларига кўра, Ўзбекистон U-20 терма жамоаси “Fair Play” совринини ҳам қўлга киритди. Шунингдек, Нематуллоҳ Рустамжонов турнирнинг энг яхши дарвозабони, Азизбек Тўлқинбеков энг яхши футболчи, Қувончбек Абраев эса мусобақа тўпурари деб топилди.