Мазкур тизим орқали давлат хизматлари “бюрократия хавфи” асосида автоматик баҳоланади ҳамда қониқарсиз хизматлар қайта кўриб чиқилади. Шунингдек, бюрократик расмиятчиликларни қисқартиришга қаратилган “Жараёнларни тезлаштириш қумдони” механизмини жорий этиш ҳам таклиф қилинди. Унга кўра, давлат хизматларини соддалаштириш мақсадида айрим босқичларни вақтинчалик қўлламаслик, муддатларни қисқартириш, муқобил усулларни жорий этиш ҳамда хусусий секторни кенг жалб қилиш имконияти яратилади. Бундан ташқари, ахборот тизимларини “бир дарча” тамойили асосида интеграция қилиш ва дастурий таъминотни “фаст траcк” усулида ишлаб чиқиш амалиёти йўлга қўйилади. Муаммони тезкор ҳал этиш мақсадида “100 кунда натижа” тамойили асосида вазирлик ва идораларда давлат хизматларини соддалаштириш бўйича ишчи гуруҳлар ташкил этилиши режалаштирилмоқда.